مانسہرہ میں ایبٹ آباد روڈ پر واقع ایک پلازہ کے کمرے سے تین افراد کی لاشیں برآمد ہوئی ہیں۔ ریسکیو حکام کے مطابق تینوں افراد کی موت دم گھٹنے کے باعث ہوئی۔
پولیس کا کہنا ہےکہ جاں بحق افراد ایک ایسے کمرے میں مقیم تھےجہاں ساؤنڈ سسٹم کا کام کیا جاتا تھا۔ ابتدائی تحقیقات کے مطابق کمرے میں چلنے والے جنریٹر سے خارج ہونے والی زہریلی گیس جمع ہونے کے باعث تینوں افراد دم گھٹنے سے جاں بحق ہوئے۔
پولیس اور ریسکیو ٹیموں نے موقع پر پہنچ کر لاشیں تحویل میں لے لیں اور کنگ عبداللہ اسپتال منتقل کر دیا،جاں بحق افراد کی شناخت نعیم، وقاص اور ذیشان صدیق کے ناموں سے ہوئی ہے۔ پولیس واقعے کی مزید تحقیقات کر رہی ہے۔
