انسداد منشیات فورس نے گزشتہ روز چھ کارروائیوں میں ایک سو چھیاسی کلوسے زائد منشیات برآمد کر کے چھ ملزمان گرفتار کر لئے۔
ترجمان اے این ایف کےمطابق راولپنڈی میں کینیڈا کیلئے بُک کئے گئے پارسل سےدو کلو آٹھ سو چونتیس گرام افیون برآمد ہوئی۔ باچا خان انٹرنیشنل ایئرپورٹ پر دوحہ جانے والے مسافر کے پیٹ سے ایک سو ایک آئس بھرے کیپسولز برآمد ہوئے۔
اسلام آباد کےکاک پُل کے قریب گاڑی سےانیس کلو چرس برآمد کر کےخاتون سمیت ایبٹ آباد کے رہائشی تین ملزمان گرفتار کئے گئے۔ سرانان بازار پشین کے قریب دو گاڑیوں سے ڈیرھ سوکلو چرس برآمد پکڑی گئی۔
لکپاس ٹول پلازہ کوئٹہ کے قریب افغان باشندے کےسامان سے آٹھ کلو چرس اوردو کلو آئس برآمد ہوئی۔ جی ٹی روڈ پشاور پر گاڑی کے خفیہ خانوں میں چھپائی گئی تین کلو افیون اور ایک کلو آئس پکڑی گئی۔
گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات شروع کر دی گئی ہیں۔
