ایشیاکپ کی دوسری فائنلسٹ ٹیم کا فیصلہ آج ہوگا۔ سپرفور مرحلے کے اہم میچ میں پاکستان اور سری لنکا کی ٹیمیں آج آمنے سامنے ہوں گے۔
پریماداسا کرکٹ اسٹیڈیم کولمبو کے اطراف اس وقت بارش جاری ہے جس کے باعث پاکستان اورسری لنکا کے میچ کا ٹاس تاخیر کا شکار ہے۔
یاد رہے کہ آج کا میچ جیتنے والی ٹیم فائنل میں پہنچ جائے گی، میچ بارش کے باعث منسوخ ہوا تو سری لنکا بہتر رن ریٹ پر فائنل میں جائے گا۔
خیال رہے کہ بھارت کے ہاتھوں بڑی شکست کے بعد پاکستان کا رن ریٹ انتہائی خراب اگر میچ بارش سے بے نتیجہ رہا تو پھر سری لنکن ٹیم آگے جائے گی اور پاکستان کی امیدوں پرپانی پھر جائے گا۔
