بنگلا دیش کرکٹ بورڈ نے ورلڈکپ کیلئے ٹیم بھارت نہ بھیجنےکا فیصلہ کرلیا ہے۔
ذرائع بی سی بی کے مطابق بی سی بی حکومت کو اپنے فیصلے سے آگاہ کرے گا،حکومتی مشاورت کے بعد باضابطہ اعلان کیا جائے گا،حکومتی فیصلے کے ساتھ ہی بی سی بی آئی سی سی کو بھی آگاہ کرے گا۔
ذرائع بی سی بی کے مطابق بی سی بی ورلڈ کپ کے میچز سری لنکا کرانے کے کہے گا،آئی سی سی ٹی ٹوینٹی ورلڈ کپ میں بنگلا دیش کے میچز انڈیا میں شیڈولڈ ہیں،بنگلا دیش نے تین میچز کولکتہ اور ایک میچ ممبئی میں کھیلنا ہے۔
دوسری جانب بنگلا دیش کےمیچز کےوینیوز کی تبدیلی کے معاملے پر بھارتی بورڈ نے ردعمل دیتے ہوئے کہا بی سی سی آئی کی جانب سے کہاگیا ہےکہ ٹی 20 ورلڈکپ میں وینیوز کی تبدیلی انتظامی افراتفری کا سبب بنےگی،وینیوز تبدیلی کا کہنا جتنا آسان ہے،کرنا اتنا ہی مشکل ہے،محض کسی کی خواہش یا پسند کی بنیاد پر میچز تبدیل نہیں کرسکتے،حریف ٹیموں کےہوٹل پہلے سے بک، ہوائی جہاز کی ٹکٹیں بھی لی جا چکی ہیں۔
بھارتی بورڈکاکہنا ہےکہ سیاسی تناؤ کےباعث بنگلا دیشی کرکٹرمستفیض الرحمن کو آئی پی ایل سے نکالا گیا، بنگلا دیشی بورڈ ورلڈکپ میچز کے وینیوزکی تبدیلی پربھی غور کررہا ہے،بنگال ٹیم کے ورلڈکپ گروپ میچز کولکتہ اور ممبئی میں شیڈول ہیں۔
