آج رات پنجاب، بالائی سندھ اور خیبرپختونخوا کے میدانی علاقوں میں دھند پڑنے کا امکان ہے جبکہ پہاڑی علاقوں میں موسم شدید سرد رہے گا۔
محکمہ موسمیات کے مطابق آج رات ملک کے بیشتر علاقوں میں موسم سرد اور خشک رہے گا۔ پہاڑی علاقوں میں موسم شدید سرد رہنے کا امکان ہے۔ پنجاب،بالائی سندھ اور خیبرپختونخوا کے میدانی علاقوں میں درمیانی سے شدید دھند کی پیش گوئی کی گئی ہے۔
محکمہ موسمیات کے مطابق آج سب سے کم درجہ حرارت لیہہ میں منفی گیارہ ڈگری سینٹی گریڈ ریکارڈ کیا گیا۔۔ قلات میں درجہ حرارت منفی چھ ،اسکردو میں منفی پانچ ،گوپس اور استور میں منفی چار اور مالم جبہ میں منفی دو اور کوئٹہ میں منفی ایک ڈگری سینٹی گریڈ ریکارڈ کیا گیا۔ اسلام آباد میں درجہ حرات چار ،لاہور میں سات ،کراچی میں بارہ اور پشاور میں پانچ ڈگری سینٹی گریڈ رہا۔
