وفاقی وزیر داخلہ محسن نقوی اور گورنر خیبرپختونخوا فیصل کریم کنڈی کی ملاقات میں صوبے میں امن و امان کی صورتحال اور سرحدی علاقوں میں سیکیورٹی اقدامات اور خوارج کیخلاف جاری آپریشنز پر تفصیلی تبادلہ خیال کیا گیا ۔
ملاقات میں گورنر خیبرپختونخوا نے صوبے کو درپیش سیکیورٹی چیلنجز سے وفاقی وزیر داخلہ کو آگاہ کیا ۔ محسن نقوی نے خیبرپختونخوا میں امن و امان کیلئے ہرممکن تعاون کی یقین دہانی کروائی۔ وفاقی وزیر داخلہ کا کہنا تھا خیبرپختونخوا میں قیام امن اولین ترجیح ۔ وفاقی حکومت ہر طرح کے تعاون کیلئے تیار ہے۔
محسن نقوی نے کہا کہ دہشت گردی کیخلاف جنگ میں خیبرپختونخوا کےعوام کی قربانیاں قدرکی نگاہ سے دیکھتے ہیں۔ فتنہ الخوارج اور سہولت کاروں کا خاتمہ مشترکہ اقدامات سےکیا جا رہا ہے ۔ دہشت گردوں سےکسی قسم کی رعایت نہیں برتی جائے گی۔
گورنر خیبرپختونخوا نے کہا کہ صوبے میں امن و امان کے قیام کے لیے وفاقی تعاون ناگزیر ہے، دہشتگردی کے خاتمے کے لیے مشترکہ اور مربوط اقدامات کی ضرورت ہے۔
