کابینہ ڈویژن نے اسلام آباد کی حدود میں 26 دسمبر کو تعطیل کا نوٹیفیکیشن جاری کردیا۔
نوٹیفیکیشن کے مطابق اسلام آباد میں پاکستان سیکرٹریٹ اور تمام وفاقی ادارے 26 دسمبر کو بند رہیں گے، کابینہ ڈویژن کی جانب سے 24 دسمبر کا نوٹیفیکیشن منسوخ کردیا گیا۔
اسپتال، بینکس، ضروری سروسز کے دفاتر، میٹرو پولیٹن کارپوریشن اسلام آباد کھلے رہیں گے، سی ڈی اے، اسلام آباد انتظامیہ، پولیس، آئیسکو، سوئی نادرن گیس دفاتر کھلے رہیں گے۔
واضح رہے کہ متحدہ عرب امارات (یو اے ای) کے صدر محمد بن زاید النہیان 26 دسمبر کو پاکستان کا دورہ کریں گے۔ معزز مہمان کے شایان شان استقبال کیلئے تیاریاں جاری ہیں، پاکستان آمد پر معزز مہمان کا شانداراستقبال کیا جائے گا۔
