عالمی بینک نے پاکستان کیلئے 70 کروڑ ڈالر قرض کی منظوری دے دی۔
عالمی بینک کےبورڈ نےپاکستان پبلک ریسورسز فارانکلیوسو ڈیولپمنٹ پروگرام کی منظوری دیدی،ورلڈ بینک کی جانب سے پاکستان میں معاشی استحکام اور سروس ڈیلیوری کیلئے نئے پروگرام کا اعلان کیا ہے۔
عالمی بینک کےمطابق نیا پروگرام وفاق اور صوبہ سندھ میں اصلاحات میں مدد دے گا،پروگرام کے تحت وفاق کو 60 کروڑ ڈالر، سندھ کو 10 کروڑ ڈالر ملیں گے،پروگرام سے ٹیکس نظام اور اخراجات میں بہتری آئے گی،ڈیجیٹل نظام کے ذریعے عوامی خدمات کو بہتر بنایا جائے گا،فنڈز مطلوبہ نتائج حاصل ہونے پر ہی جاری کئے جائیں گے۔
ورلڈ بینک کےمطابق پروگرام آئی ایم ایف اورنیشنل فسکل پیکٹ سےہم آہنگ ہے،تعلیم، صحت اورسماجی شعبےکیلئے وسائل میں اضافہ متوقع ہے،عالمی بینک پروگرام کےتحت مختلف مراحل میں 1.35 ارب ڈالر فراہم کرے گا۔
