محکمہ موسمیات نے کراچی میں بونداباندی اور لاہور سمیت مختلف شہروں میں بارش کی پیشگوئی کردی۔
محکمہ موسمیات نے خشک سردی ختم ہونے کی نوید سنادی۔ لاہور میں 21 اور 22 دسمبر کو ہلکی بارش کی پیشگوئی کردی، جس سے شہر میں سردی کی نئی لہر متوقع ہے۔
محکمہ موسمیات کے مطابق کراچی میں آئندہ ایک سے دو روز تک سردی کی شدت کم رہے گی، 2 روز کے دوران موسم جزوی سے مکمل ابرآلود رہنے کے ساتھ بونداباندی متوقع ہے۔ شہرمیں موسم اس وقت سرد اور خشک ہے۔
ماہرین کا کہنا ہے کہ آج رات سے مغربی ہواؤں کا ایک سلسلہ پاکستان میں داخل ہوگا۔ جو بلوچستان کے بعد آئندہ دو روز میں اسلام آباد راولپنڈی میں بھی بارش کا سبب بن سکتا ہے۔
محکمہ موسمیات کے مطابق آج مغربی ہواؤں کا سلسلہ بلوچستان میں داخل ہوگا۔ کوئٹہ سمیت دیگر شہروں میں سرد ہوائیں چلنے کراچی میں سردی کی شدت میں اضافے کا امکان ہے۔
پی ڈی ایم اے کے مطابق 19 سے20دسمبر کے درمیان مغربی ہواؤں کا سلسلہ بلوچستان میں داخل ہوگا، کئی اضلاع میں بارش اور پہاڑی علاقوں میں برفباری کا امکان ہے۔ برفباری سے پہاڑی علاقوں میں ٹریفک متاثر ہونے کا خدشہ ہے۔
