پاکستان مسلم لیگ ن کے تاحیات قائد میاں محمد نوازشریف آج کل مری میں ڈیرہ ڈالے ہوئے ہیں جہاں سے ان کی خود گاڑی چلاتے ہوئے ویڈیو وائرل ہو گئی ہے ۔
ایکس (سابقہ ٹویٹر) پر مریم نوازشریف نے اپنے والد نوازشریف کی خود گاڑی چلاتے ہوئے ویڈیو شیئر کی جبکہ وہ بھی گاڑی میں ان کے ہمراہ موجود تھیں۔ نواز شریف اپنی صاحبزادی مریم نواز سے کہہ رہے ہیں کہ وہ اور ان کی مرحوم بیوی کلثوم نواز مری سے چھانگلہ گلی تک پیدل جاتے تھے، ڈرائیونگ کے دوران انہوں نے مریم نواز کو ایک جگہ دکھائی اور کہا کہ یہاں ایک جگہ آتی ہے کالی مٹی ، وہاں کلثوم کی خالہ آتی ہوتی تھیں۔
اپنا وطن، اپنا پیارا پاکستان 🇵🇰💚 pic.twitter.com/MqYYgLWdrS
— Maryam Nawaz Sharif (@MaryamNSharif) November 22, 2023
نواز شریف نے مریم نواز کو کلثوم نواز کے ساتھ مری میں گزارے خوبصورت وقت کا بتایا، اس دوران نواز شریف اور مریم نواز ہاتھ ہلا کر سڑک پر موجود لوگوں کے سلام کا جواب بھی دیتے رہے۔اس موقع پر نواز شریف نے یہ بھی کہا کہ پاکستان کو اللہ نے اچھے مقامات عطافرمائے ہیں۔اللہ ملک پاکستان کی حفاظت کرے۔
