قومی ٹیم کے نئے تعینات ہونیوالے اسپن بولنگ کوچ سعید اجمل کا کہنا ہے کہ مسائل راتوں رات ٹھیک نہیں ہوسکتے، اس میں ٹائم لگے گا، ملک بھر سے نیا ٹیلنٹ سامنے لائیں گے۔
قومی ٹیم کے اسپن بولنگ کوچ سعید اجمل نے فیصل آباد میں گفتگو کرتے ہوئے کہا کہ میں محنت کروں گا مگر خرابی دور کرنے میں ٹائم لگے گا، یہ ہی اسپنرز ہیں مگر ان کی خرابیاں راتوں رات ٹھیک نہیں ہو سکتیں۔
ان کا کہنا ہے کہ ٹیم کا اعلان ہوچکا، آسٹریلیا میں اسپنرز زیادہ کامیاب نہیں ہوتے، نعمان علی اور ابرار احمد کو اچھی پرفارمینس پر سلیکٹ کیا گیا۔
سعید اجمل نے مزید کہا کہ پاکستان بھر ینگ اسپنرز ہیں ان کو مزید پالش کرکے ٹیم کا حصہ بنائیں گے۔
