قومی کرکٹ ٹیم کے آل راؤنڈر اور سابق کپتان شعیب ملک نیشنل ٹی 20 میں ان ایکشن ہونگے۔
تفصیلات کے مطابق شعیب ملک نے اپنے ریجن سیالکوٹ کی ٹیم کو جواٸن کرلیا،سابق کرکٹر سیالکوٹ کی ٹیم کی کپتانی کریں گے۔ شعیب ملک پریکٹس میچ میں بھی کھیلیں گے۔
اس سے قبل قومی کرکٹ ٹیم کے آل راؤنڈر شعیب ملک نے پاکستان کیلیے ٹی 20 ورلڈکپ 2024 میں اپنی دستیابی ظاہر کی تھی۔
نجی ٹی وی کو دیے گئے انٹرویو میں شعیب ملک کا کہنا تھا کہ اگر پاکستان کرکٹ بورڈ نے مجھ سے رابطہ کیا تو میں ٹی 20 ورلڈکپ کھیلنے کیلیے تیار ہوں۔
یاد رہے کہ شعیب ملک کا شمار کامیاب آل راؤنڈر میں ہوتا ہے،انہوں نے اپنےکریئر124 میں میچز میں 31.21 کی اوسط اور 125.64 کے اسٹریٹ سے 2435 رنز بنائے ہیں۔
انہوں نے T20 کرکٹ میں 515 میچوں میں 36.25 کی اوسط اور 127.68 کے اسٹرائیک ریٹ اور 79 نصف سنچریوں کی مدد سے 12,688 رنز بنائے اور دوسرے سب سے زیادہ رنز بنانے والے کھلاڑی کا اعزاز بھی اپنے نام کر رکھا ہے۔
