نگران سندھ حکومت نے کراچی سمیت سندھ بھر میں محکمہ اوقاف کی تمام پراپرٹی کی سب لیز پر پابندی عائد کرنے کا فیصلہ کرلیا۔
تفصیلات کے مطابق کراچی میں نگران وزیر اوقاف عمر سومرو کے زیرصدارت اجلاس میں یہ اہم فیصلہ کیا گیا ہے،عمر سومرو نے محکمہ اوقاف کی پراپرٹی کے ریٹ کا جائزہ لینے لئے کمیٹی بھی تشکیل دے دی ہے جبکہ کمیٹی کو ہدایت کی ہے کہ انکو ریوائز کرکے کرائے بڑھائے جائیں۔
کمیٹی میں ایڈیشنل سیکریٹری اوقاف،چیف ایڈمنسٹریٹر اوقاف اور ایڈمنسٹریٹر اوقاف کراچی شامل ہیں، کمیٹی10روزمیں محکمہ کی تمام پراپرٹی کے کرایوں کا جائزہ لیکر رپورٹ پیش کرے، کمیٹی یہ بھی جائزہ لے کہ محکمے کی تمام پراپرٹی کا نیا ریٹ کتنا ہونا چاہئے۔
وزیر قانون و اوقاف عمر سومرو کا کہنا ہے کہ ہمیں محکمہ اوقاف سندھ میں شفافیت لانی ہے، محکمے میں جہاں بھی بدعنوانی دیکھی تو ذمہ داروں کے خلاف سخت کاروائی ہوگی۔ محکمہ اوقاف کی پراپرٹی کی ٹیکسز کا بھی ڈیٹا رپورٹ پیش کی جائے۔
