مالی سال 2025-26 کے پہلے 4 ماہ میں ترسیلات زر میں 9.3 فیصد اضافہ ریکار ڈ کیا گیاہے ، جولائی تا اکتوبر ترسیلات زر کا حجم 11 ارب85 کروڑ ڈالر رہا، 4ماہ میں برآمدات 2 فیصد اضافے سے 10.6 ارب ڈالر ریکارڈ کی گئیں۔
تفصیلات کے مطابق اس دوران درآمدات 9.6 فیصد اضافے سے 20.7 ارب ڈالر تک پہنچ گئیں، جولائی تا اکتوبر کرنٹ اکاؤنٹ خسارہ 73 کروڑ ڈالر سے تجاوز کر گیا، براہ راست بیرونی سرمایہ کاری 26 فیصد کمی سے 74 کروڑ 77 لاکھ ڈالر رہی، ڈالر گزشتہ سال کے مقابلے 2 روپے 60 پیسے مہنگا ہوا، 27 نومبر کو ڈالر ریٹ 280 روپے 60 پیسے ریکارڈ کیا گیا، گزشتہ سال اسی مدت میں ڈالر ریٹ 278 روپے تھا۔
وزارت خزانہ کے مطابق جولائی تا اکتوبر ٹیکس ریونیو 11.4 فیصد اضافے سے 3834 ارب روپے رہا، نان ٹیکس ریونیو 0.4 فیصد کمی سے 3008 ارب روپے رہا، اس دوران بجٹ 2119 ارب روپے سرپلس رہا، پرائمری بیلنس بڑھ کر 3497 ارب روپے سے تجاوز کر گیا، 4ماہ میں زرعی شعبے کو 845 ارب روپے کے قرضےملے، گزشتہ سال کے مقابلے زرعی قرضوں میں 18.6 فیصد اضافہ ہوا، اس دوران نجی شعبے کو قرضوں کی فراہمی میں نمایاں کمی آئی، جولائی تا ستمبر بڑی صنعتوں کی پیداوار میں 4.08 فیصد اضافہ ہوا۔
