چارسدہ میں دھند کے باعث ضلع بھر کے تعلیمی اداروں کی اوقات کار تبدیل کردیے گئے۔
نوٹیفکیشن کے مطابق اسکول صبح 9بجے سے دوپہر2 بجے تک لگیں گے، جمعہ کو اسکول صبح 9 بجے سے دوپہر 12 بجے بند ہوںگے۔
گزشتہ روز حادثے کے بعد ڈپٹی کمشنر نے نوٹیفکیشن جاری کردیا، ڈپٹی کمشنر کا کہنا ہے کہ فیصلہ بچوں کی جان و مال کے تحفظ کے لیے عوامی مفاد میں کیا گیا۔
واضح رہے کہ گزشتہ روز خیبرپختونخوا کے ضلع چارسدہ میں دھند کے باعث اسکول وین اور ٹرک میں تصادم سے 2 بچے جاں بحق اور 21 زخمی ہوگئے تھے۔
دوسری جانب بلوچستان کے سرد علاقوں میں 16 دسمبر سے ڈھائی ماہ کے لیے سرکاری اسکولز بند ہوں گے جبکہ موسمِ سرما کی تعطیلات 23 دسمبر 2025 سے شروع ہوں گی اور 11 جنوری 2026 تک جاری رہیں گی۔ تمام اسکول 13 جنوری 2026 کو دوبارہ کھلیں گے، جس کے ساتھ نئے تعلیمی سیشن کا آغاز ہو گا۔
