پی ٹی آئی رہنما عمر ایوب چار اکتوبر احتجاج کے کیس میں اشتہاری قرار دیدیا گیا۔ اسلام آباد کی انسداد دہشتگردی عدالت نے پاسپورٹ اور شناختی کارڈ بلاک کرنے کی بھی ہدایت کر دی۔
انسداددہشت گردی عدالت کے جج طاہر عباس سپرا نے عمرایوب کے خلاف 4 اکتوبراحتجاج کے کیس کی سماعت کی۔ عدالت نے عمر ایوب کو مقدمے میں اشتہاری قرار دے دیا۔
عدالت نے ملزم کی پراپرٹی کی تفصیلات طلب کرتے ہوئے پاسپورٹ اور شناختی کارڈ بلاک کرنے کی بھی ہدایت کر دی۔ عمر ایوب کیخلاف دہشتگردی کی دفعات کے تحت تھانہ نون اسلام آباد میں مقدمہ درج ہے۔
