سوشل میڈیا پر ملک دشمن، بنیاد پرست اور نفرت انگیز بیانیہ روکنے کے منصوبے کی منظوری دے دی گئی۔
سیکرٹری محکمہ داخلہ پنجاب احمد جاوید قاضی نے سوشل میڈیا پر ملک دشمن اور نفرت انگیز بیانیہ روکنے کے 12 کروڑ 49 لاکھ روپے کی لاگت کے میڈیاتھنک ٹینک منصوبے کی انتظامی منظوری دے دی۔
منصوبے کے تحت انتشار اور شدت پسندی سے متعلق جعلی اور اشتعال انگیز خبروں پر فوری طور پر ایکشن لیا جائے گا۔ پنجاب حکومت نے میڈیا تھنک ٹینک بنانے کا فیصلہ کیاہے، محکمہ داخلہ پنجاب میڈیاتھنک ٹینک کےمنصوبے پرعملدرآمد کرے گا۔
پنجاب کا محکمہ داخلہ مین اسٹریم میڈیا، ڈیجیٹل میڈیا اور سوشل میڈیا کی24گھنٹے مانیٹرنگ کرے گا، 12 کروڑ49لاکھ روپے کی لاگت کاتھنک ٹینک کا منصوبہ24ماہ میں مکمل ہوگا۔ فیک نیوزکی فوری نشاندہی ممکن ہوگی،فوری سدباب کیا جائے گا۔
منصوبے کے تحتی ففتھ جنریشن تھریٹس ختم کیے جائیں گے، ایکس، فیس بک، یو ٹیوب، ٹک ٹاک، انسٹاگرام کی سخت مانیٹرنگ ہوگی۔ انتشار،شدت پسندی سےمتعلق جعلی اور اشتعال انگیزخبروں پرفوری طور پر ایکشن لیاجائے گا۔ فیک نیوزکی تجزیاتی رپورٹس مرتب کی جائیں گی۔
