انتخابی ضابطہ اخلاق کی پاسداری کیلئے الیکشن کمیشن نے تمام ریٹرننگ افسران کو مکمل غیر جانب داری یقینی بنانے کی ہدایات کردی ۔ واضح کر دیا کہ ضابطہ اخلاق کی خلاف ورزی کسی صورت برداشت نہیں کی جائے گی۔
سیکرٹری الیکشن کمیشن نے تمام ریٹرننگ افسران کو انتخابی عمل میں مکمل غیر جانبدار رہنے کی ہدایت کر دی ۔ ریٹرننگ افسران کو باور کرایا گیا کہ کسی قسم کا سیاسی یا انتظامی دباؤ خاطر میں نہ لایا جائے ۔
کمیشن کا کہنا ہے کہ ضابطہ اخلاق کی خلاف ورزی یا کسی بھی کوتاہی کی صورت میں متعلقہ افسران کو سخت تادیبی نتائج کا سامنا کرنا ہوگا۔
