ویمنز بلائنڈ کرکٹ ورلڈ کپ میں پاکستان کی بلائنڈ کرکٹر مہرین علی نے تاریخ رقم کر دی اور سری لنکا کے خلاف 78 گیندوں پر 230 رنز کی شاندار اننگز کھیل کر ورلڈ کپ کی پہلی ڈبل سنچری بنانے کا اعزاز حاصل کر لیا۔
تفصیلات کے مطابق مہرین نے اپنی ڈبل سنچری محض 70 گیندوں پر 39 چوکوں کی مدد سے مکمل کی۔ریکارڈ ساز اننگز کے بعد مہرین علی نے اپنے بیان میں کہا کہ وہ اس کامیابی پر اللہ تعالیٰ کی شکر گزار ہیں، اور پاکستان بلائنڈ کرکٹ کونسل سمیت اپنے والدین کا بھی شکریہ ادا کرتی ہیں۔
ان کا کہنا تھا کہ یہ اعزاز وہ اپنے ملک اور والدین کے نام کرتی ہیں۔میچ میں پاکستان نے سری لنکا کو 221 رنز کے بڑے مارجن سے شکست دی۔
332 رنز کے ہدف کے تعاقب میں سری لنکن ٹیم 120 رنز پر آؤٹ ہو گئی جبکہ سری لنکا کی جانب سے میرانی نے 51 اور متیشا نے 29 رنز کی اننگز کھیلی۔
پاکستان کی طرف سے نور فاطمہ، حوریہ ملک اور سمیرا ملک نے ایک ایک وکٹ حاصل کی۔
