فیلڈ مارشل سید عاصم منیر سے تاجکستان کے وزیر دفاع کرنل جنرل صابر زادہ امام علی عبدالرحیم نے ملاقات کی۔ جی ایچ کیو راولپنڈی میں ملاقات کے دوران باہمی دلچسپی کےامور ، خطےکی سیکیورٹی اور دوطرفہ دفاعی تعاون پر تبادلہ خیال کیا گیا۔
آئی ایس پی آر کے مطابق فیلڈ مارشل سید عاصم منیر اور تاجکستان کے وزیر دفاع نے تربیت، انسداد دہشت گردی اور علاقائی سلامتی میں فوجی تعاون بڑھانے کے عزم کا اظہار کیا۔
کرنل جنرل صابر زادہ امام علی عبدالرحیم نے پاک فوج کی پیشہ ورانہ صلاحیتوں اور خطے میں امن و استحکام کے لیے کردار کو سراہا۔
آرمی چیف نے علاقائی استحکام اور خوشحالی کے لیے مشترکہ کوششوں کی اہمیت پر زور دیا ۔ تاجکستان کے ساتھ دفاعی و سیکیورٹی تعاون کو فروغ دینے کے عزم کی توثیق کی۔
