وفاقی وزیر غذائی تحفظ رانا تنویر نے ستائیسویں ترمیم میں صدر مملکت کو تاحیات استثنیٰ دیئے جانے پر سوال اٹھا دیا۔
پارلیمنٹ ہاؤس میں سماء سے بات کرتے ہوئے رانا تنویر نے کہا کہ سرکاری عہدے پر رہتے ہوئے صدر ،وزیراعظم اور وزراء کو استثنیٰ حاصل ہے جو کہ بالکل درست چیز ہے تاہم صدر مملکت تاحیات استثنیٰ نہ لیتے تو زیادہ بہتر ہوتا۔
انہوں نے کہا کہ صدرمملکت کواستثنیٰ نہیں لینا چاہیے تھا، سمجھ نہیں آئی کہ صدر مملکت نے تاحیات استثنیٰ کیوں لیا، صدرمملکت نےاستثنیٰ کیوں لیا؟اس کی وضاحت وہی کر سکتے ہیں، وزیراعظم اور وزراء کو بھی کام کےدوران کچھ نہ کچھ استثنیٰ ہے، مقصد یہ ہے کہ وزیراعظم اوروزراء باربارعدالتوں کے چکر نہیں لگاتے رہیں، صدر مملکت تاحیات استثنیٰ نہ لیتے تو زیادہ بہتر ہوگا۔
