نگران وزیراعلیٰ گلگت بلتستان کےلئے حکومت اور اپوزیشن میں مشاورت شروع ہوگئی۔
نگران وزیراعلی کیلئے وفاقی وزیر امور گلگت بلتستان انجنئیر امیر مقام سے بھی ہوگی۔ امیر مقام،وزیراعلی گلگت بلتستان اور اپوزیشن لیڈر کی آج ملاقات متوقع ہے۔
خیال رہے کہ موجودہ حکومت کی مدت 24 نومبر کو ختم ہوگی، نگران وزیراعلیٰ 25 نومبر کو زمہ داری سنبھال لینگے۔ نگران حکومت گلگت بلتستان کے پاس آئندہ اسمبلی انتخابات کی ذمہ داری ہوگی۔
قبل ازیں چیف الیکشن کمشنر گلگت بلتستان راجہ شہباز خان کا کہنا ہے کہ گلگت بلتستان اسمبلی اور حکومت کی مدت 24 نومبر کو مکمل ہوگی۔ گلگت بلتستان اسمبلی کے عام انتخابات فروری 2026 میں ہونگے۔ اسمبلی انتخابات کرانا الیکشن کمیشن کی ذمہ داری ہے۔
راجہ شہباز خان نے کہا کہ 9 لاکھ 91 سے زائد ووٹرز کی لسٹ بن گئی ہے۔ فروری 2026 میں گلگت بلتستان اسمبلی کے انتخابات کیلئے آج سے تمام اسٹنٹ کمشنرز کو ووٹر لسٹیں روانہ کر دی ہیں۔ اسمبلی کے 25 انتخابی حلقوں میں ووٹر لسٹیں کل سے آویزاں ہونگی۔
