ہنگو کے علاقہ دوآبہ میں پولیس قافلے پر دہشت گردوں نے حملہ کردیا،جس میں متعدد اہلکار زخمی ہوگئے۔
پولیس پارٹی کربوغہ روڈ پر امن کمیٹی کے اجلاس سے واپس آرہی تھی کہ اچانک دھماکہ ہوا، دھماکے کے فوراً بعد فائرنگ کا تبادلہ شروع ہو گیا۔ پولیس ذرائع کے مطابق قافلے کو آئی ای ڈی دھماکے سے نشانہ بنایا گیا۔
قافلے میں ایس پی انویسٹی گیشن عبدالصمد خان، ڈی ایس پی ٹل مجاہد، اور ایس ایچ او عمران موجود تھے۔تاہم واقعے میں ایس ایچ او عمران الدین اور ایک اہلکار معمولی زخمی ہوئے،پولیس اورحملہ آوروں کے درمیان فائرنگ کا سلسلہ کچھ دیر تک جاری رہا، جبکہ علاقے میں سرچ آپریشن بھی شروع کر دیا گیا ہے۔
