ایک سروے کے مطابق برطانوی شہزادہ ولیم کو ’’گنجے مردوں‘‘ میں دنیا کا پرکشش ترین انسان قرار دیا گیا ہے۔
برطانوی مارکیٹنگ کمپنی ری بوٹ کی جانب سے ایک تحقیق کی گئی جس میں برطانیہ کے شہزادہ ولیم نے ہالی ووڈ کے معروف اداکاروں اور بزنس مین سمیت کئی معروف شخصیات کو پیچھے چھوڑ دیا۔
یہ تحقیق 2023ء کے دنیا بھر کے خوبصورت اور پرکشش ’’گنجے مردوں‘‘ سے متعلق تھی، جن کی شخصیت سمیت ان کی آواز، قد، بات چیت کا انداز، خوبصورت جلد، چہرے کے خدوخال اور دنیا بھر میں لوگوں کی ان میں دلچسپی کا تعین کیا گیا۔
رپورٹ کے مطابق ایجنسی نے اس سروے میں دیکھا کہ دنیا کے مقبول ترین ’’گنجے افراد‘‘ کو لوگ گوگل پر کیسے سرچ کرتے ہیں، دنیا بھر میں دلکش اور پُرکشش لفظ کے ساتھ سب سے زیادہ برطانوی شہزادہ ولیم کو تلاش کیا گیا۔
برطانوی ادارے کی جانب سے 10 پُرکشش گنجے مردوں کی فہرست جاری کی گئی، جنہیں مجموعی طور پر 10 میں سے پوائنٹس دیئے، ان میں شہزادہ ولیم پہلے نمبر پر رہے۔ برطانوی شہزادے کو 10 میں سے 9.88 پوائنٹس ملے، جن کے سر کا شائن فیکٹر 74 فیصد، چہرے کی خصوصیات میں 72 فیصد اور آواز کی کشش نے 9.91 پوائنٹس حاصل کئے۔
