فیلڈ مارشل سید عاصم منیر کا دورہ مصر، اردن اور سعودی عرب کامیاب ملٹری ڈپلومیسی کی شاندار مثال قرار پایا۔
عرب ممالک کے ساتھ کامیاب عسکری سفارتکاری کو پاکستان کے بڑھتے ہوئے عالمی وقار کی عکاسی قرار دیا جا رہا ہے۔ اہم ملاقاتوں میں انسداد دہشت گردی، دفاعی تعاون اور انٹیلی جنس اشتراک پر تفصیلی بات چیت ہوئی۔
عرب قیادت نے پاکستان کی مسلح افواج کی پیشہ ورانہ صلاحیتوں پر مکمل اعتماد کا اظہار کیا۔فیلڈ مارشل کے یہ دورے مسلم ممالک کے مابین عسکری اتحاد، تعاون اور یکجہتی کی مضبوط علامت بن گئے ہیں۔
ان دوروں سے پاکستان کا خطے میں امن، استحکام اور مشترکہ سلامتی کے لیے کلیدی کردار مزید نمایاں ہوا ہے۔آرمی چیف کی فعال عسکری سفارتکاری پاکستان کے عالمی تشخص کو نئی بلندیوں پر لے جا رہی ہے۔ معرکہ حق کے بعد کامیاب ملٹری ڈپلومیسی کے نتیجے میں پاکستان عالمی سطح پر باوقار اور مضبوط حیثیت کے ساتھ ابھر رہا ہے۔
