آزاد کشمیر اسمبلی میں پارلیمانی لیڈر اور سابق وزیراعظم راجا فاروق حیدر نے کہا مسلم لیگ ن آزادکشمیر میں حکومت سازی کا حصہ نہیں بنے گی اور آئندہ اپوزیشن میں بیٹھے گی۔
اپنے جاری بیان میں راجا فاروق حیدر نے کہا مسلم لیگ ن کی پارلیمانی پارٹی نے فیصلہ کیا کہ مسلم لیگ حکومت کا حصہ رہے گی اور نا ہی حکومت کی تبدیلی کا حصہ بنے گی۔ جماعت پارلیمانی پارٹی کے فیصلے کے ساتھ کھڑی ہے اس فیصلے میں تبدیلی کی قطعی کوئی گنجائش نہیں۔
دوسری جانب لاہور میں پریس کانفرنس کرتے ہوئے وفاقی وزیر انجینئر امیر مقام نے واضح کیا ہے کہ ن لیگ آزادکشمیر حکومت میں شامل نہیں ہوگی۔ ن لیگ آزاد کشمیرمیں اپوزیشن بینچز پر بیٹھے گی ۔ کہا وزیراعظم آزاد کشمیر چوہدری انوارالحق بہتر گورننس میں ناکام رہے۔ ان کی ناکامی کی بڑی وجہ عوام سے دوری تھی۔ آزاد کشمیر میں حکومت بنانا پیپلزپارٹی کاحق ہے۔
