پنجاب میں ضمنی انتخابات کے لئے الیکشن کمیشن کا نیا شیڈول جاری کر دیا گیا، فیصل آباد اور ساہیوال کے پانچ حلقوں میں ضمنی الیکشن تئیس نومبر کو ہو گا۔
این اے 96 ، این اے104 ، این اے143 ، پی پی-98 اور پی پی203 میں ضمنی انتخابات کے نیا شیڈول دیا گیا ۔ نوٹیفکیشن ریٹرننگ آفیسرز کے فیصلوں کے خلاف اپیلوں کی آخری تاریخ چوبیس اکتوبر مقرر کی گئی ہے ، ٹریبونل اپیلوں کے فیصلے 31 اکتوبر تک کریں گے ۔
امیدواروں کی نظرثانی شدہ فہرست یکم نومبر کو شائع کی جائے گی ۔ امیدوار تین نومبر تک اپنے کاغذات نامزدگی واپس لےسکتے ہیں ۔ چار نومبر کو پانچوں حلقوں میں انتخابی نشانات دیئےجائیں گے ۔ پولنگ 23 نومبر کو ہوگی ۔ الیکشن کمیشن نے ضابطہ اخلاق پر عملدرآمد یقینی بنانے کی ہدایت بھی کر دی ۔
