حکومت نے پارلیمان کو بتایا کہ پاکستان کے 11 ممالک کے ساتھ تجارتی تعلقات نہیں ہیں۔ ان ممالک میں بھارت، اسرائیل، شمالی کوریا، بھوٹان، اور وینزویلا شامل ہیں۔
رپورٹ کے مطابق، ان ممالک کی فہرست میں کانگو، سماو، مائکرونیشیا کی وفاقی ریاستیں، انڈورا، اور لیچٹیسٹائن بھی شامل ہیں۔ پاکستان کا سینٹرل افریقن ریپبلک کے ساتھ بھی کوئی تجارتی تعلق نہیں ہے۔
پاکستان نے بھارت کے ساتھ تجارتی تعلقات کی معطلی پر دو ٹوک موقف اختیار کیا ہے اور کہا کہ مقبوضہ کشمیر کو مکمل طور پر ضم کرنے کا فیصلہ واپس لینے تک بھارت کے ساتھ تجارت نہیں کی جا سکتی۔
