صالح پٹ میں ظلم کی انتہا، بااثر افراد نے مزدور کے اونٹ کی ٹانگ کاٹ دی،ٹانگ کٹ جانے کے بعد اونٹ درد سے تڑپتا رہا وزیراعلیٰ سندھ سید مراد علی شاہ نے نوٹس لے لیا۔
روہڑی کے قریب صالح پٹ کے گاؤں میرمہراب ٹالپرمیں بااثر افراد نے ظلم کی انتہا کرتے ہوئے مزدور غلام مصطفی شنبانی کے اونٹ کی ٹانگ کاٹ ڈالی۔ واقعے کے بعد بے زبان جانور شدید زخمی حالت میں درد سے تڑپتا رہا۔اونٹ کے مالک غلام مصطفی نے الزام لگایا ہے کہ عمر بروہی، قربان بروہی اور رسول بخش شیخ اس واقعے میں ملوث ہیں۔
ان کا کہنا ہےکہ روزگار کا واحد ذریعہ اونٹ ہی تھا،جسے بااثر افراد نے بے وجہ بے زبان کی ٹانگ کاٹ دی ہے ،اطلاع پرجنوجی چوکی پولیس موقع پر پہنچ گئی اور تحقیقات شروع کرتے ہوئےکندہرا تھانے میں مقدمہ درج کر لیا گیا،
پولیس نے ایک ملزم کو گرفتار کرلیا،پولیس کا کہنا ہےکہ گرفتارملزم قربان بروہی نے2ساتھیوں کے ساتھ مل کر اونٹ کی ٹانگ کاٹی،پھر ٹریکٹر سے باندھ کرگھسیٹا۔
زخمی اونٹ کو روہڑی سے کراچی ریفر کردیا گیا،متاثرہ خاندان نے اعلیٰ حکام سے انصاف اور ملزمان کے خلاف کارروائی کا مطالبہ کیا ہے۔
