متنازع میچ ریفری اینڈی پائیکرافٹ کو ہٹانے کے معاملے پر پاکستان کرکٹ بورڈ (پی سی بی) اور انٹرنیشنل کرکٹ کونسل (آئی سی سی) کے مابین جنگ آخری مرحلے میں داخل ہوگئی۔
پاکستان کرکٹ بورڈ نے میچ ریفری کونہ ہٹانے کا فیصلہ مسترد کردیا، پی سی بی نے آئی سی سی کو جوابی خط لکھ دیا،متنازع ایمپائر کے خلاف انکوائری کوڈرامہ قرار دیدیا، آئی سی سی نہ مانا تو پاکستان آج میچ نہیں کھیلے گا۔
خط میں متنازع ریفری کے خلاف آئی انکوائری ڈرامہ قرار دے دیا، پی سی بی کے مطابق آئی سی سی کا اینڈی کے خلاف ایکشن لینے کا ارادہ ہی نہیں تھا، برائے نام انکوائری میں واقعہ کے کسی گواہ سے رابطہ نہیں کیا گیا، اینڈی ہاتھ نہ ملانے کا پیغام دے کر سیاست میں ملوث ہوئے۔
آئی سی سی کے پاس فیصلے کے لئے چند گھنٹے باقی ہیں، آئی سی سی نہ مانا تو پاکستان آج کا میچ نہیں کھیلے گا۔ پاکستان کو منانا ہے تو میچ ریفری کو ہٹانا ہوگا۔
یاد رہے کہ ایشیاکپ میں پاک، بھارت میچ کے بعد بھارتی ٹیم نے اسپورٹس مین اسپرٹ کی خلاف ورزی کرتے ہوئے پاکستانی کھلاڑیوں سے مصافحہ نہیں کیا تھا۔ ٹاس کے وقت بھی میچ ریفری نے کپتانوں سے ہاتھ نہ ملانے کی درخواست کی تھی۔
میچ کے بعد بھی دونوں کھلاڑیوں نے ہاتھ نہیں ملائے اور بھارتی کھلاڑی سیدھا اپنے ڈریسنگ روم چلے گئے تھے، احتجاجاً قومی ٹیم کے کپتان سلمان علی آغا نے بھی اختتامی تقریب میں شرکت نہیں کی تھی۔ بعد ازاں، پی سی بی نے میچ ریفری اینڈی پائیکرافٹ کو ایشیاکپ سے ہٹانے کا مطالبہ کیا تھا۔
