پاکستان اور ایران کے درمیان بائیسویں مشترکہ اقتصادی کمیشن اجلاس میں دو طرفہ تجارتی حجم 10 ارب ڈالر تک بڑھانےکےعزم کااعادہ کیا گیا۔
ترجمان اقتصادی امور ڈویژن کے مطابق اجلاس میں پاکستانی وفد کی قیادت وزیرتجارت جام کمال اور ایرانی وفد کی سربراہی وزیراربن ڈیویلپمنٹ فرزانہ صادق نےکی، اجلاس کےاختتام پردونوں ممالک کےدرمیان اہم پروٹوکولز پردستخط ہوئے۔
اجلاس میں صحت، تعلیم، توانائی، موسمیاتی تبدیلی، ٹرانسپورٹ سمیت اہم شعبوں میں تعاون بڑھانے اور پاورسیکٹر میں سرمایہ کاری کیلئے مشترکہ ورکنگ گروپ کےقیام پراتفاق کیا گیا۔
دونوں ممالک کے درمیان لیبر کو آپریشن کیلئے مشترکہ کمیٹی قائم کی جائے گی، جو تعمیرات، ٹیکسٹائل اورزراعت میں مزدوروں کی نقل وحرکت آسان بنانے کیلئے تجاویز دے گی۔ تئیسویں مشترکہ اقتصادی کمیشن کا اجلاس آئندہ سال اسلام آباد میں ہوگا۔
