معروف ٹک ٹاکر و اداکارہ ایمن زمان نے شوہر مجتبیٰ لاکھانی سے علیحدگی کا اعلان کردیا۔
اداکارہ وٹک ٹاکر ایمن زمان سوشل میڈیا پر اپنے شوہر مجتبی لاکھانی کیساتھ لی گئی تصاویر اور ویڈیوز ہٹا دیں،جس کے بعد صارفین میں تشویش پائی جارہی تھی،جس پر صارفین نے اداکارہ سے سوال کیا کہ اگر شوہر سے علیحدگی ہوچکی ہے تو تصدیق کردیں۔
View this post on Instagram
تاہم اداکارہ نے سوشل میڈیا پلیٹ فارم سٹوری شئیر کرتے ہوئے شوہر سے علیحدگی کی تصدیق کی ہے، اداکارہ کی تصدیق کے بعد مداح حیرانی کا اظہار کررہے ہیں۔
دوسری جانب مجتبیٰ لاکھانی نےدعویٰ کیا کہ ان کا رشتہ ابھی ختم نہیں ہوا۔ ان کا کہنا ہے کہ ابھی کاغذی کارروائی نہیں ہوئی ہے اس لیے ابھی یہ رشتہ ختم نہیں ہوا اور کس نے کس کو دھوکا دیا یہ خدا بہتر جانتا ہے۔
خیال رہے کہ ایمن زمان چندا، بےلگام، ہانیہ، کچا دھاگا، انعامِ محبت اور سوتیلی ممتا جیسے ڈراموں میں اپنی اداکاری کے جوہر دکھا چکی ہیں۔
