ہونڈا ایٹلس نے چھٹی جنریشن ہونڈا سٹی کا نیا ویرینٹ ’ایسپائر ایس‘ متعارف کرا دیا ہے، جبکہ ساتھ ہی موجودہ 1.2 لیٹر سی وی ٹی (اسپیشل ایڈیشن) اور 1.5 لیٹر ایسپائر ماڈلز کا فیس لفٹ ورژن بھی لانچ کر دیا گیا۔
تفصیلات کے مطابق یہ اقدام اُس وقت سامنے آیا ہے جب 2021 میں پاکستان میں متعارف ہونے والی چھٹی جنریشن سٹی کو تقریباً چار سال مکمل ہو چکے ہیں۔گاڑیوں کے شوقین صارفین اس اعلان پر حیران ہیں کیونکہ زیادہ تر افراد ساتویں جنریشن ہونڈا سٹی کے انتظار میں تھے، جو کہ دنیا بھر کی مارکیٹس میں 2021 سے دستیاب ہے۔ تاہم ہونڈا ایٹلس نے نئی جنریشن متعارف کرانے کے بجائے پرانی جنریشن کو اپ ڈیٹس کے ساتھ جاری رکھنے کا فیصلہ کیا ہے۔
قیمت
ایٹلس ہونڈا نے اپنی نئی سٹی ایسپائر ایس 1.2 سی وی ٹی کی قیمت 47 لاکھ 37 ہزار روپے رکھی ہے جبکہ 1.5 ایسپائر سی وی ٹی کی قیمت 60 لاکھ 69 ہزار اور 1.5 ایسپائر ایس سی وی ٹی کی قیمت 61 لاکھ 49 ہزار روپے مقرر کی ہے ۔
ہونڈا سٹی ’ایسپائر ایس‘ کی نمایاں خصوصیات
نیا ہونڈا ایمبلم (اہم ہائی لائٹ)، دو نئے رنگ (کینیون ریور بلیو اور اگنائٹ ریڈ)، بلیک ٹرنک اسپورلر ایل ای ڈی ہائی ماؤنٹ اسٹاپ لیمپ کے ساتھ، بلیک شارک فن اینٹینا، ایل ای ڈی ہیڈلائٹس، ریئر لائٹس اور فوگ لیمپس، بلیک کلر ڈور مررز، اپ ڈیٹڈ کروم ڈور ہینڈلز، فرنٹ اور ریئر کروم گارنش، نئے ڈیزائن کے ساتھ اپ ڈیٹڈ الائے وہیلز شامل ہیں۔
اندرونی اپ گریڈز:
نئی پیٹرن کے ساتھ ہائی گریڈ فیبرک سیٹس، بیس بال اسٹچنگ کے ساتھ لیدر ریپڈ اسٹیئرنگ وہیل، لیدر سیلیکٹ نوب بیس بال اسٹچنگ کے ساتھ، بہتر آڈیو کوالٹی کے لیے ٹویٹرز کا اضافہ کیا گیا ہے۔
ماہرین کے مطابق ہونڈا کا یہ اقدام مقامی مارکیٹ میں اپنے صارفین کو متوجہ رکھنے کی کوشش ہے، تاہم شائقین اب بھی ساتویں جنریشن سٹی کے انتظار میں ہیں۔
