اسلام آباد کچہری میں دھوکہ دہی کے کیس میں عدالت سے نوسربازی کا دلچسپ واقعہ پیش آیا، مقامی عدالت میں اصل اشتہاری ملزم نے اپنی جگہ اپنے دوست کو عدالت میں پیش کردیا ۔عدالت نے ضمانت مسترد کر کے دوست کو جیل بھجوانے کا حکم دیا تو بھانڈا پھوٹ گیا ۔
ایڈیشنل سیشن جج جہانگیر اعوان کی عدالت میں واقعہ گزشتہ روز پیش آیا ۔ اشتہاری ملزم بلال خان نے اپنی جگہ شاہد کریم نامی شخص کوعدالت میں پیش کردیا ۔ عدالت نے ضمانت کی درخواست مسترد کردی تو حوالات لے جاتے ہوئے ملزم نے دوبارہ عدالت جانے کی استدعا کی ۔ دوبارہ عدالت کے روبرو پیش ہو کر ملزم نے اقرار کیا کہ اصلی ملزم وہ نہیں ۔
دوست کی جگہ پیش ہونے والے شخص کیخلاف مقدمہ درج کرکے گرفتارکرلیاگیا تاہم بعدازاں تھانہ لوہی بھیر پولیس نےاصلی اشتہاری ملزم کو بھی گرفتار کر لیا ۔ دونوں دوست آئندہ سماعت پراکٹھے عدالت پہنچیں گے ۔
