چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے قطر کے نائب وزیراعظم و وزیر مملکت دفاعی امور سے ملاقات کی ہے۔
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے قطر کے سرکاری دورے میں ہائر ملٹری کوآپریشن کمیٹی کے دوسرے اجلاس میں بھی شرکت کی۔
مسلح افواج کے شعبہ تعلقات عامہ آئی ایس پی آر کےمطابق جنرل ساحر شمشاد نے قطر کی مسلح افواج کے چیف آف اسٹاف لیفٹیننٹ جنرل جاسم محمد سے بھی ملاقات کی۔
اس موقع پرقطر کی سول و عسکری قیادت نے خطے میں امن و استحکام کے لیے پاکستان کے ذمے دارانہ کردار کو سراہا اوردہشت گردی کے خلاف جنگ میں پاک فوج کی پیشہ ورانہ صلاحیتوں اور قربانیوں کی تعریف کی۔
ملاقاتوں کےدوران خطے کی بدلتی سیکیورٹی صورتحال پر تبادلہ خیال کیا گیا،جنرل ساحر شمشاد مرزا نے پاک قطر تاریخی برادرانہ تعلقات کو اُجاگر کیا،علاقائی وعالمی سطح پرامن و استحکام کے لیےمشترکہ عزم کا اعادہ کیا۔
