ملک میں فی تولہ سونے کی قیمت میں 3 ہزار3 سو روپے کا بڑا اضافہ ریکارڈ کیا جارہا ہے۔
آل پاکستان صرافہ جیمز اینڈ جیولرز ایسوسی ایشن کےمطابق پاکستان میں سونے اور چاندی کے مہنگا ہونے کا نیا ریکارڈ قائم ہوگیا،پاکستان میں 24 کیرٹ فی تولہ سونے کے دام 3300 روپے بڑھ کر 370700 روپے ہو گئے۔
دس گرام سونے کے بھاو 2829 روپے کے اضافے سے 327815 روپے ریکارڈ کئے گئے،فی تولہ چاندی بھی 101 روپے بڑھ کر 4303 روپے کی ریکارڈ سطح پر جا پہنچی۔
دوسری جانب انٹرنیشنل گولڈ مارکیٹ میں فی اونس سونا 33 ڈالرمہنگا ہوکر 3480 ڈالرکا ہوگیا۔
