اسلام آباد ہائیکورٹ نے 18 افغان شہریوں کو وطن واپس بھجوانے کی کارروائی پر حکم امتناع جاری کردیا ۔ چیف جسٹس سرفراز ڈوگر نے افغان شہریوں کی درخواست پر حکمنامہ جاری کر دیا۔
حکمنامے میں کہا گیا ہے کہ حکومت نے درخواست گزاروں کے پی او آر کارڈز منسوخ کر کے وطن واپسی کا حکم دیا جبکہ وکیل کے مطابق ان کا تعلق فضل الرحمان مرحوم کے خاندان سے ہے۔ جس نے 2008 میں قانونی تقاضے پورے کرکے شہریت کیلئے درخواست دی ۔ تاہم اس پر تاحال کوئی فیصلہ نہیں ہوا ۔ آئندہ سماعت تک درخواست گزاروں کے خلاف کوئی بھی کارروائی نہ کی جائے ۔
عدالت نے وزارت داخلہ ، نادرا، ایف آئی اے اور پولیس سے اٹھارہ ستمبر تک جواب طلب کر لیا گیا ۔
