وفاقی تحقیقاتی ادارے (ایف آئی اے) امیگریشن افسران کے ڈیوٹی کا دورانیہ 12 گھنٹے کردیا گیا۔
ایف آئی اے امیگریشن اسٹرکچر میں اصلاحات پرمبنی سرکلر جاری کردیا گیا، سرکلر کے مطابق کراچی ایئر پورٹ پر مسافروں کے رش کے باعث پروازوں میں تاخیر پر ایف آئی اے امیگریشن افسران کے ڈیوٹی کا دورانیہ 12 گھنٹے کردیا گیا۔
سرکلر کے مطابق ہرشفٹ میں ایک انچارج، ایک جنرل چیکنگ افسر ڈیوٹی کرے گا، ایک شفٹ میں ایک ہیڈ محرر، ایک منشی اور ایک پی آر او ہوگا، شفٹ انچارج اور پی آر او پروٹوکول کی ذمہ داریاں سنبھالیں گے۔
شفٹ کا بقیہ تمام عملہ مسافروں کے کاوُنٹرز پر تعینات ہوگا، مسافروں سے سفری دستاویزات کی پوچھ گچھ کی ذمہ داری انچارج کے سپرد کردیا گیا۔ ڈیپارچر اور ارائیول پر تعینات افسران میں 10 فیصد کو ہنگامی چھٹی ملے گی۔
