وزارت مذہبی امور نے پاکستان کی مصدقہ عمرہ کمپنیوں کی فہرست جاری کردی۔ ترجمان کا کہنا ہے کہ یہ فہرست ہجری سال 1447 کیلئے کار آمد ہے۔
وزارت مذہبی امور نے مصدقہ عمرہ کمپنیز کی فہرست جاری کردی۔ ترجمان کا کہنا ہے کہ ابتدائی طور پر 53 عمرہ کمپنیوں کے کوائف اور معاہدات کی تصدیق مکمل ہوئی ہے، مصدقہ عمرہ کمپنیوں کی فہرست ہجری سال 1447 کیلئے کارآمد ہے۔
مستند عمرہ کمپنیوں کی فہرست جاری۔ ابتدائی طور پر 53 کمپنیوں کے کوائف/معاہدات کی تصدیق مکمل۔ مستند عمرہ کمپنیوں کی فہرست ہجری سال 1447 کے لیے کارآمد ہے۔ عمرہ زائرین کو تاکید کی جاتی ہے کہ صرف وزارت سے مستند کمپنیوں سے بکنگ کروائیں: ترجمان مذہبی امور#Umrah https://t.co/guOOvrfB9U
— Ministry of Religious Affairs & Interfaith Harmony (@MORAisbOfficial) August 21, 2025
ترجمان نے مزید کہا ہے کہ دیگر عمرہ کمپنیز ضابطے کے مطابق معاہدات کی تصدیق جلد مکمل کروائیں۔ عمرہ زائرین کو بھی ہدایت کی گئی ہے کہ وہ وزارت سے تصدیق شدہ کمپنیوں سے بکنگ کروائیں۔
واضح رہے کہ پاکستان میں غیر رجسٹرڈ اور غیر مصدقہ عمرہ کمپنیاں ہر سال ہزاروں عازمین سے بکنگ کے نام پر کروڑوں روپے کی رقم ہتھیار لیتی ہیں۔
