ٹیلر سوئفٹ اور سلینا گومز کی دس سالہ دوستی کسی سے ڈھکی چھپی بات نہیں۔ سلینا گومز کے گانے "کام ڈاؤن" کو بیسٹ ایفرو بیٹ ایوارڈملا جبکہ ٹیلر سوئفٹ نے 9 وی ایم اے جیتے۔ ٹیلر سوئفٹ اور سلینا گومز نے ایوارڈ جیتنے کے بعد خوشی سے ایک دوسرے کو گلے لگا لیا۔
امریکی ریاست نیو جرسی میں ایم ٹی وی ویڈیو میوزک ایوارڈز 2023 کا انعقاد ہوا جس میں معروف امریکی گلوکارائوں ٹیلر سوئفٹ اور سلینا گومز نے تقریب میں شرکاء سمیت سوشل میڈیا کی بھی بھرپور توجہ حاصل کرلی۔
ٹیلر سوئفٹ نے 9 وی ایم اے ایوارڈز اپنے نام کئے۔ کافی دیر تک جب سلینا کو کوئی ایوارڈز نہ ملا تو وہ ہرنامزدگی کے بعد سلینا کی جانب دیکھتیں اور انہیں حوصلہ دیتیں لیکن جونہی سلینا کے "کام ڈاؤن" کے لئے ایوارڈ کا اعلان کیا گیا تو ٹیلر نے سلینا کا حوصلہ بڑھانے کے لئے اپنی سیٹ پر بیٹھے ہوئے ہاتھ ہلایا اور پھر کھڑے ہوکر خوشی سے ناچنا اور اچھلنا شروع کر دیا۔
ایوارڈ وصول کرنے سے پہلے ٹیلر اور سلینا نے ایک دوسرے کو خوشی سے گلے لگایا اورناچنا شروع کر دیا تھا۔
ٹیلر اور سوئفٹ کی دوستی بہت پرانی ہے وہ ہر موقعے پر ایک دوسرے کا حوصلہ بڑھاتیں اور ایک دوسرے کی حمایت کرتی ہیں۔
