بلومبرگ نے دعویٰ کیاہے کہ پاکستان میں رواں مالی سال شرح سود میں کم از کم 100 بیسز پوائنٹس کی کمی متوقع ہے ۔
بلومبرگ کی رپورٹ کے مطابق موجودہ مالی سال مہنگائی اوسطا 6 فیصد تک محدود رہنے کا امکان ہے، اسٹیٹ بینک کے پاس شرح سود میں 250 بیسز پوائنٹس کمی کی گنجائش ہے، رواں مالی سال کرنٹ اکاؤنٹ خسارہ جی ڈی پی کا 0.3 فیصد رہنے کا امکان ہے۔
رپورٹ میں کہا گیاہے کہ مہنگائی، آؤٹ پٹ گیپ،کرنٹ اکاؤنٹ خسارہ دیکھتے ہوئے 100 بیسز پوانٹ کمی متوقع ہے۔ بلوم برگ نے پچھلےسروے میں پالیسی ریٹ 11 فیصد سے کم ہو کر 9 فیصد ہونے کی پیشگوئی کی تھی۔
جے پی مورگن کے مطابق اس سال شرح سود میں 300 فیصد کمی کا امکان ہے، پالیسی ریٹ 11 سے کم ہو کر 8 فیصد تک جا سکتا ہے۔
