اینٹی کرپشن نے اے ڈی سی آر اقبال سنگھیڑا سے تفتیش مکمل کر لی ہے اور رپورٹ میں بتایا گیا کہ ان کے قبضہ سے رشوت کی مد میں لی گئی قیمتی گھڑی بھی برآمد ہوئی ہے ۔
اینٹی کرپشن کی رپورٹ میں کہا گیاہے کہ اے ڈی سی آر محمد اقبال کو یکم اگست کو گرفتار کیا، اقبال سنگھیڑا کو تین مرتبہ عدالت پیش کر کے 13 روز کا جسمانی ریمانڈ حاصل کیا، جسمانی ریمانڈ کے دوران ملزم اقبال سنگھیڑا کے قبضہ سے ایک لگژری گاڑی ، مدعی مقدمہ سے رشوت کی مد میں لی ہوئی قیمتی گھڑی برآمد کی گئی ۔
اقبال سنگھیڑا سے اخراجات کی مد میں لی گئی رقم 14لاکھ 70 ہزار روپے اور 2 کمرشل پلاٹس کی فائلز برآمد کی گئیں۔
رپورٹ میں انکشاف کیا گیا کہ رشوت میں لی گئی رقم 3لاکھ40 ہزار کی رقم بھی برآمد کی گئی ہے ، ملزم انتہائی ہوشیار اور چالاک ہے جو حیلے بہانوں سے کام لے رہا ہے، ملزم اقبال سے مزید برآمدگی کی توقع نہیں ہے۔
