کویتی فنکارہ نے انوکھا دعویٰ کردیا، شمس کا کہنا ہے کہ مرغی کا گوشت کھانے والے مردوں میں نزاکت آجاتی ہے اور ان کی ذہنی حالت بدل جاتی ہے۔
کویتی فنکارہ کے اس دعوے نے سوشل میڈیا پر ہنگامہ برپا کردیا اور نئی بحث چھڑ گئی ہے۔
عرب ویب سائٹس نے اخبارات مزمز اور المرصد کے حوالے سے لکھا ہے کہ ایک ویڈیو کلپ میں کویتی فن کارہ شمس یہ دعویٰ کرتی ہیں کہ مرغی کا گوشت کھانے سے مردوں میں نزاکت آجاتی ہے اور اس کی وجہ یہ ہے کہ مرغیاں خواتین کی خوراک ہیں مردوں کو مردانہ خوراک استعمال کرنی چاہئے۔
کویتی فنکارہ شمس کے مطابق دنیا میں ہر چیز میں ’نر‘ اور ’مادہ‘ ہوتے ہیں مرغی مادہ ہے لہٰذا مردوں کو مرغی نہیں کھانی چاہئے۔
ان کا مزید کہنا ہے کہ بہتر ہوگا کہ مرد حضرات ’پائے‘ اور اس جیسے دیگر پکوان استعمال کریں۔
کویتی فن کارہ کے دعوے پر سوشل میڈیا پر زیادہ تر افراد نے کہا کہ شمس کے بیان کو سنجیدگی سے لینے کی کوئی ضرورت نہیں بلکہ یہ ایک مضحکہ خیز بیان ہے۔
