لاہور ہائیکورٹ نے این اے 175 میں ضمنی الیکشن شیڈول معطل کردیا۔
جیف جسٹس کی سربراہی میں تین رکنی فل بینچ نے جمشید دستی کی درخواست پر این اے ایک سو پچہتر کے ضمنی الیکشن شیڈول معطل کردیا۔
جمشید دستی کی نااہلی کے خلاف درخواست پر سماعت ہوئی، جیف جسٹس لاہور ہائی کورٹ کی سربراہی میں 3 رکنی فل بینچ نے سماعت کی۔
لاہور ہائیکورٹ نے این اے 175 میں ضمنی الیکشن شیڈول معطل کردیا، عدالت نے الیکشن کمیشن اٹارنی جنرل سمیت دیگر کو نوٹس جاری کردیا۔
دوران سماعت چیف جسٹس نے استفسار کیا کہ وکیل صاحب یہ بتائیں کہ آپ نے وکالت نامہ کب سائن کیا، سچ سچ بتائیں کہانی بہت مزے کی ہے، جس پر وکیل جمشید دستی نے کہا کہ میں نے وکالت نامہ تاخیرسے دستخط کیا ہے۔
وکیل اشتیاق چوہدری نے عدالت کو بتایا کہ الیکشن کمیشن کے پاس ریفرنس آیا جس پر نوٹس ہوا، سپریم کورٹ کا فیصلہ ہے کہ الیکشن کمیشن بغیر کسی عدالتی ڈکلیریشن کے کسی کوخود سے نااہل نہیں کرسکتا، الیکشن کمیشن نے بغیر کسی عدالتی ڈکلیریشن درخواست گزار کونااہل کیا۔
