وفاقی حکومت نے چینی کے کاروبار میں سٹہ بازی کرنے والوں کے خلاف سخت اقدامات شروع کر دیے ہیں اور ذرائع وزارت پیداوار کے مطابق چینی کے سٹہ پر مکمل پابندی عائد کر دی گئی ہے۔
ذرائع کے مطابق متعدد شوگر ملز مالکان اور ڈیلرز کو بیرون ملک سفر سے روکنے کے لیے ان کے نام ایگزٹ کنٹرول لسٹ (ای سی ایل) میں ڈالنے کا عمل شروع کر دیا گیا ہے۔
ذرائع کا کہنا ہے کہ پہلے مرحلے میں شوگر ڈیلرز کے نام ای سی ایل پر ڈالنے کی کارروائی کا آغاز ہو چکا ہے۔
واضح رہے کہ اس سے قبل دسمبر میں چینی برآمد کرنے والے شوگر ملز مالکان، ڈیلرز اور متعلقہ بیوروکریٹس سے باز پرس بھی کی گئی تھی۔
حکومت کی جانب سے ان اقدامات کا مقصد چینی کی قیمتوں میں استحکام لانا اور مصنوعی قلت پیدا کرنے والے عناصر کے خلاف سخت کارروائی کرنا ہے۔
