تاجکستان کی مسلح افواج کے سربراہ بھی پاک فوج کی پیشہ ورانہ مہارتوں کے معترف، چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ملاقات میں دہشتگردی کیخلاف پاک فوج کی قربانیوں کا اعتراف بھی کیا ۔
آئی ایس پی آر کے مطابق تاجکستان کی مسلح افواج کے چیف آف جنرل اسٹاف میجرجنرل سید زودا بوبوجن نے جوائنٹ اسٹاف ہیڈ کوارٹرز کادورہ کیا ۔ جوائنٹ اسٹاف ہیڈ کوارٹر پہنچنےپرچاق و چوبند دستے نے معزز مہمان کو گارڈ آف آنر پیش کیا ۔ چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ملاقات میں میجرجنرل سید زودا بوبوجن نے علاقائی سیکیورٹی کی صورتحال اور مشترکہ اسٹریٹجک مفادات پر تبادلہ خیال کیا، دونوں جانب سے پاکستان اور تاجکستان کے درمیان گہرے برادرانہ تعلقات کو وسعت دینے پر زور دیا گیا اور دوطرفہ دفاعی تعاون کو مزید مضبوط بنانے کی راہیں تلاش کرنے پر بھی بات چیت ہوئی ۔
