وفاقی ادارہ شماریات نے ایک ہفتے کے دوران چینی کی قیمتوں میں 8 روپے فی کلو گرام کمی کا دعویٰ کردیا جبکہ مختلف شہروں میں چینی 172 سے 200 روپے فی کلو فروخت ہوتی رہی، ہفتہ وار مہنگائی میں 4.07 فیصد اضافہ ریکارڈ کیا گیا، سالانہ بنیاد پر مہنگائی کی شرح 2.22 فیصد ریکارڈ کی گئی۔
وفاقی ادارہ شماریات کے مطابق گزشتہ ہفتے چینی کی اوسط قیمت 8 روپے کی کمی سے 188 روپے سے 180 روپے فی کلو پر آگئی۔
رپورٹ کے مطابق کراچی میں چینی سب سے زیادہ مہنگی ہوئی جہاں نرخوں کی ڈبل سینچری مکمل ہوگئی، پشاور میں چینی 190 روپے، کوئٹہ میں 184، لاہور میں 180 جبکہ راولپنڈی اسلام آباد میں 185 روپے فی کلو فروخت ہوتی رہی۔
ایف بی ایس کے مطابق گزشتہ ایک ہفتے میں گیس 29.85 اور بجلی 21.46 فیصد تک مہنگی ہوئی، ٹماٹر کی قیمت 22.93 فیصد بڑھی۔
رپورٹ میں بتایا گیا ہے کہ زندہ برائلر مرغی 7.95 سستی ہوئی، گزشتہ ہفتے پیاز، کیلے، آلو اور گندم کا آٹا بھی سستا ہوا۔
