وزیراعظم محمد شہباز شریف نے کہا ہےحکومت ڈاکٹر عافیہ صدیقی کے معاملے میں کسی طور غافل نہیں، پیشرفت کے لیے وزیر قانون کی سربراہی میں کمیٹی تشکیل دے دی۔
وزیر اعظم شہبازشریف سےڈاکٹر عافیہ صدیقی کی ہمشیرہ ڈاکٹر فوزیہ صدیقی کی ملاقات ہوئی ہے، جس میں انہوں نے واضح کیا کہ حکومت ڈاکٹر عافیہ صدیقی کے معاملے میں کسی طور غافل نہیں۔
وزیراعظم نےحکومت کی جانب سےہرممکنہ قانونی وسفارتی مدد فراہم کرنےکی یقین دہانی کردی،حکومت کی جانب سے پہلے بھی ڈاکٹر عافیہ صدیقی کے معاملے میں سفارتی اور قانونی مدد فراہم کی جاتی رہی ہے
وزیراعظم نے مزید پیشرفت کیلئے اعظم نذیر تارڑ کی صدارت میں کمیٹی بھی تشکیل دے دی،کمیٹی ڈاکٹر فوزیہ صدیقی سے اس حوالے سے رابطے میں رہے گی اور درکار ممکنہ معاونت کیلئے کام کرے گی۔
