صدر مملکت آصف علی زرداری سے چین کے سفیر جیانگ زائی دونگ نے ایوان صدر میں ملاقات کی۔ دوطرفہ تعلقات، باہمی دلچسپی کے امور اور علاقائی تعاون پر تفصیلی گفتگو ہوئی۔ صدر زرداری نے دونوں ممالک کے درمیان تعاون جاری رکھنے پر زور دیا۔
چینی سفیر سے ملاقات کے دوران صدر مملکت نے کہا کہ پاکستان چین کے ساتھ اپنے تعلقات کو انتہائی اہمیت دیتا ہے۔دونوں ممالک کے درمیان تجارت۔معیشت۔ ثقافت اور علاقائی روابط بڑھانے کے وسیع امکانات موجود ہیں۔خطے میں امن۔ سلامتی اور خوشحالی کے لیے دونوں ممالک کو مل کر کام کرنے کی ضرورت ہے۔
صدر مملکت نے چین کی جانب سے ہر مشکل وقت میں پاکستان کا بھرپور ساتھ دینے پر شکریہ ادا کیا۔ان کا کہنا تھا کہ پاکستانی عوام آہنی بھائی چین کی مستقل حمایت پر شکر گزار ہیں۔صدر مملکت نے کہا کہ چین پاکستان کی سماجی و اقتصادی ترقی میں کلیدی کردار ادا کر رہا ہے۔
ملاقات کے دوران چینی سفیر جیانگ زائی دونگ نے صدر مملکت کو صدر شی جن پنگ کی جانب سے سالگرہ کی نیک خواہشات کا پیغام بھی پہنچایا۔
