پنجاب پولیس کو مظفر گڑھ کے کچے میں بڑی کامیابی حاصل ہو گئی ہے ، کچہ ڈکیت گینگ نے 100 چھینے گئے جانوروں سمیت خود کو سرنڈر کر دیا ۔
ترجمان پولیس کے مطابق ہتھیار ڈالنے والے ڈاکوؤں میں قلندر بوسن، اللہ نواز بوسن،شہزاد بوسن ودیگر شامل ہیں ۔ مظفرگڑھ پولیس کیساتھ ایک ہفتہ شدید مقابلے،مزاحمت میں ناکامی کے بعد کچہ گینگ نے ہتھیار ڈالنے کا فیصلہ کیا، ابتدائی طور پر گینگ کے پانچ اہم کارندوں نے اسلحہ سمیت خود کو سرنڈر کیا ہے، گینگ ممبران نے چار کلاشنکوف،دو ریپیٹر بھی پولیس کے حوالے کر دیئے ہیں ،ان ڈاکوؤں پر دہشت گردی، قتل، اقدام قتل، ڈکیتی و راہزنی جیسے درجنوں مقدمات درج ہیں، بازیاب کیے گئے سو مویشی اصل مالکان کے حوالے کر دیئے گئے ہیں ۔
